BO PARTIDO

EDV 4 - ATLETICO OLEIROS 0

Sen dubida nada que ver co encontro da primeira volta en Oleiros, o xogo despregado polos de Alfonso non deu opcións a un rival de menor entidade física e técnica, foron 4 e mereceron como mínimo 8, por ocasións claras que se fallaron so por falta de acerto nos remates.

Estupendo o traballo de todo o equipo. En xeral todos estiveron moi acertados, destacando a progresión de RAFA, así coma as boas sensacións de "MARTÍN REY", un mediocampista a seguir.

Foi dia de despedida, ALVARO FREIRIA o mellor porteiro da categoría deixa a escola para seguir un novo camiño no PONTEVEDRA. Recibiu o agarimo de tódolos presentes e os mellores desexos nesa nova empresa. Esta sempre será a súa casa e sempre será ven recibido. MOITA SORTE.

JORDAN X2

VILLESTRO 2 - EDV 2

Dóbrete de JORDAN, que se atopou de novo co gol, magoa que so valeu un punto.

Terreo de xogo en condicións como mínimo moi mellorables, a practica do fútbol era...

Deixando de lado o campo dicir que o encontro tivo dúas fases e tres protagonistas, (os dous conxuntos e o señor colexiado). O primeiro tempo fomos un pouco a remolque, pesounos o gol recibido nos primeiros minutos logo dun control coa man do dianteiro do Villestro que o arbitro foi o único que non o veu, o equipo custoulle adaptarse a un fútbol pouco practicado por eles. Na segunda metade todo mudou fomos quen de ter o balón e de facer posesións "longas", non tardamos en empatar e faltando pouco para o remate puxémonos por diante no marcador, o gol do empate final chegou dunha xogada de fortuna no tempo de desconto.

DOBRETE...

EDV 2 - CACHEIRAS 1

Dobrete dun CRACK, como e o noso Cristian. Fixo o primeiro convertendo un penalti, e o segundo de autentico cazador, logo dunha parede entra no area e remata a gol.

O encontro foi moi duro e trabado, os de Cacheiras viñeron o Coto coa lección estudada, non en vano, o seu adestrador veu espiar os nosos nos últimos partidos. Sabedores de como lle gusta xogar o equipo, tentaron de afogarnos na saída obrigándonos a xogar longo, pero a hora de loitar e bregar a estes chavales non lles caen os aneis. Remontaron ó 0 a 1 e fixéronse co xogo, nin a presión que lle meteron o arbitro os do Cacheiras nin a súa forza e altura puideron con este EQUIPO.

AGASAIO DE REIS ANTICIPADO

EDV 1 - CALO 0

Na tarde de onte JORGE FURELOS, deleitou a poboada grada cun fenomenal gol, de verdadeiro cazador de area, logo de superar a tres defensores con un recorte senta o porteiro, e remata co sangue frío de un profesional.

O partido foi un tanto atípico, as baixas eran de notable consideración, e Alfonso tivo que facer unha aliñación de circunstancias, o que os chavales responderon con eficacia e oficio. Tivemos control da pelota con certa solvencia case que toda a primeira metade, no segundo tempo lograron conter o arreón inicial dos de Calo, que foise vindo a menos, e tivemos ocasións coma para sentenciar.

ADESTRAMENTOS

Retorno os adestramentos para despedir o 2009, ano de ÉXITOS para esta humilde escola deportiva.

Día 30 as 19:00 no Coto, é día 31 en horario matinal.

FRIOS

SD COMPOSTELA 3 - EDV 0

Frios quedamos o ver o campo de As Cancelas a -4ºC cuverto por unha capa de xeo.

O partido foi de duas caras, os de Alfonso puxeron o futbol e os da SD os goles. Nada que reprochar os chavales, que deron todo o que tiñan no campo, pero a pelota non quixo entrar na meta do Compostela.

Agardar que o paron do Nadal lles carque as pilas, ata o retorno so queda desexar a todos un "BO NADAL E VENTUREIRO 2010"

COMPOSTELA - EDV

COMPOSTELA –E.D. VAL DO ULLA. DOMINGO 20/12/09 AS 11.00 EN AS CANCELAS

ENORMES...

EDV 0 - LA SALLE 2

...Así estiveron os chavales da EDV. este sábado diante do mellor da categoría sen ningún xénero de dubida.

Aínda que saíron derrotados, os de Alfonso sempre deron a cara. Xogaron o FÚTBOL sempre con criterio e sabendo do potencial dos rivais.

A estes chavales so cabe felicitalos, por deleitarnos con estes partidazos. Animo a tódolos que ledes este blog a que como agasallo de Nadal para eles, lles fagades chegar en forma de comentario, eses pensamentos que de seguro que lelos a de darlles un plus de animo.

SUSPENDIDO...

...O partido que nos enfrontaba o SILLEDA CF. ven de ser suspendido polo colexiado, a causa dunha fenomenal tromba de auga, cando se percorría polo minuto 18 da segunda metade é o marcador sinalaba un 0 a 1 en favor dos de Silleda.

O partido foise complicando minuto a minuto xa que o drenaxe do campo non era quen de evacuar tanta auga, agora so queda fixar data para xogar o restante.

GOLAZOOOOOO!!!

EDV 1 - UNION 0

Fenomenal resultado ante un rival difícil. Logo das circunstancias do encontro de hoxe, temos que resaltar a fenomenal participación de todo o equipo e resaltar o traballo de FURE que segue a medrar, e ven de facer un encontro moi equilibrado con paradas de moito mérito, así coma o fenomenal gol acadado por MARTÍN, que ademais de valer tres puntos foi de fermosa factura.

Fenomenal traballo dos chavales coma sempre.

Ánimos os lesionados que se recuperen axiña que os precisamos en forma, Saúdos.

"CRACK-TTRICK"

A.D. Nicrariense 1 - EDV 3

Partido bonito por todas as circunstancias, tanto deportivas como as circunstanciais. Un dia de vendaval e chuvia forte, que no canto de engurrar os de Alfonso parece que lles infundiu pundonor e forza, un dia no que CRIS fixo un fenomenal Hattrick que nos deu a vitoria, parabéns a todo o equipo.



COMENTARIO DE JAVI:
Bueno visto o día que estaba, a miña aportación era fácil de adiviñar.
November rain - Guns 'n Rosesn RoseA calidad non é moi boa pero e que o outro estaba prohibido insertalo en blogs.

SELECCION DE SANTIAGO SUB 15

CONVOCADOS PARA ADESTRAR COA SELECCIÓN SUB-15 LUNS 09 ÁS 19.30: CRISTIAN, MARTÍN, PARADA, JORDAN.

Xusto premio o traballo duns grandes chavales, e dun fenomenal ADESTRADOR.
PARABÉNS OS CINCO!!!