!!!!!!!!!!!

Antes de nada creo que debemos reflexionar, sobre que papel temos que xogar os pais nun partido difícil coma o disputado en Oleiros de Ribeira. O meu parecer debemos desculparnos ante os nosos fillos por tentar de axudalos caendo na provocación, e non animando como deberiamos ter feito. Xa sabemos que e difícil ver o teu fillo tirado no campo tragando barro, logo de ser golpeado antideportivamente é quedar quedo. Eu son o primeiro que debo tentar de pechar a boca, xa que se me quentou se cadra sen motivo, máxime cando nos temos un adestrador que trata sempre de respectar o rival por enriba de todo, e temos que recoñecer que o mellor este Domingo non estibemos a altura.

DITO O ANTERIOR.
Este partido foi un cúmulo de contrariedades, un campo irregular, estreito, mal medido, ademais de encharcado (cousa do tempo igual para todos) e onde sufrimos a peor arbitraxe con diferencia de cantas temos padecido.
Se descontamos as contrariedades debemos sacar en claro que foi un partido moi serio en defensa, con gran firmeza e convicción, ben traballado no medio campo con profundidade por banda, e pouco froito ofensivo, cecais pola extremada dureza da defensa, con permiso do trencilla. A cousa non estaba para o estilo de xogo dos Cadetes, e tiveron que xogar directo a maior parte do encontro, aínda así tivemos o control dos tempos, e do pouco que se podía ter a pelota. O primeiro gol local chegou dun pelotazo que se envelenou, no final da primeira metade, tras a reanudación empatamos logo de botar unha falta e rematar en area pequena Robin, que entrou no segundo tempo, faltando tres minutos nun despexe de mala fortuna a pelota rematou no fondo da rede pa converterse no 2 a 1 final.